Një mjek në qytetin e Gramshit është masakruar me mjete të forta nga persona ende të paidentifikuar gjatë ditës së djeshme.
Ngjarja ka ndodhur rreth orës 17:00 në banesën e mjekut të familjes, Vladimir Shuli, i cili aktualisht ndodhet në gjendje kome në Spitalin e Traumës, në kryeqytet.
Sipas BW, një grup personash është futur në banesën e mjekut për ta dhunuar më pas barbarisht, duke e goditur me mjete te forta.
Si pasojë e goditjeve Shuli ka marrë dëmtime të shumta në pjesën e nofullës, kokës dhe mavijojse në trup.
59-vjecari është gjetur në gjendje kome nga të afërmit brenda banesës dhe është dërguar menjëherë drejt Traumës.
Shuli ushtronte profesionin si mjek familjeje prej vitesh në qendrën shëndetësore, në lagjen “Sporti”.
Deri tani nga ana e policisë nuk ka të ndaluar apo të shoqëruar për ngjarjen e rëndë.
