Juventusi në kaos. Sipas mediave italiane, i gjithë këshilli administrativ, përfshirë edhe presidentin, Andrea Agnelli, kanë dhënë dorëheqjen.
Agnelli largohet nga klubi pas 12 viteve në drejtim të bardhezinjve. Shkak është bërë çështja e plusvalencave shumë e diskutuar kohët e fundit.
Dorëheqja në bllok e anëtarëve të këshillit administrativ është pasuar edhe nga vendimi i pakthyeshëm i zv-presidentit Pavel Nedved, administratorit të deleguar, Maurizio Arrivabene, ndërsa mësohet se hetimet e organit të akuzës në lidhje me falsifikimin e bilancit janë gjithashtu një nga shkaqet e vendimit ekstrem të të gjithë zinxhirit drejtues.
Në këtë mënyrë, mbyllet një nga epokat më të suksesshme të klubit nga Piemonte pasi nën drejtimin e Andrea Agnellit që nga viti 2010, Juventus ka fituar 9 tituj kampion Italie.
