Trajneri i njohur holandez, Joan Boskamp, ka bërë një analizë për teknikun shqiptar, Besnik Hasi. Sipas Boskamp, Hasi gaboi që mori te Olimpiakosi dy lojtarët, English dhe Proto.
Sipas holandezit, shqiptari shkarkohet gjithmonë, pasi humb dy ndeshje rresht.
Hasi gaboi në momentin që mori te skuadra e tij e re, dy lojtarët English dhe Proto me të cilët kishte punuar më parë. Një lëvizje e tillë bën që trajneri të sulmohet menjëherë sapo të ketë luhatjen e parë në rezultate dhe kjo ndodhi.
Sapo Olimpiakosi i tij pësoi humbje ai u shkarkua. Të njëjtën gjë ka bërë edhe kur ishte në drejtimin e Legia së Varshavës”, ka thënë Boskamp.
Hasi që pas shkarkimit nga Olimpiakosi ka mbetur pa ekip, ndërsa të shumtë janë zërat që e lidhin ata me një rikthim në Belgjikë.
