Gjatë merkatos së verës u përfol gjatë për një transferim të Robert Lewandowskit te Real Madrid, por 29-vjeçari nga Varshava nuk u pa kurrë të zbriste në “Bernabeu”.
Me gjithë faktin që e ka nisur sezonin në mënyrë impresionuese duke shënuar plot 9 gola dhe me Bayernin që renditet në krye të Bundesligës me pike të barabarta me Dortmundin, sërish Lewandowski vijon të flirtojë më spanjollët, duke dashur ti japë lamtumirën bavarezëve.
29-vjeçari i ka kërkuar menaxherit të tij të mbyllë gjithë formalitetet e transferimit, edhe pse kontrata aktuale me gjermanët e sheh të lidhur deri në vitin 2021.
Ashtu siç raportojnë media të ndryshme gjermane dhe spanjolle duket se tashmë mes palëve janë caktuar disa takime që do të zhvillohen për të arritur marrëveshjen financiare.
