Mbesa e Presidentit të SHBA, Joe Biden, Naomi dhe i fejuari i saj Peter Neill kurorëzuan dashurinë e tyre me martesë këtë të shtunë, me një ceremoni në kopshtin e Shtëpisë së Bardhë.
Çifti u martua në një ceremoni private në lëndinën e Jugut, ku morën pjesë presidenti amerikan Joe Biden dhe Zonja e Parë Jill Biden.
Naomi, 28 vjeç, është e diplomuar në Fakultetin Juridik të Kolumbisë dhe vajza e madhe e djalit të Presidentit, Hunter Biden dhe ish-gruas së tij, Kathleen Bull. Neil, 25 vjeç, i cili gjithashtu studioi drejtësi, u internua për fushatën presidenciale të Hillary Clinton dhe në Shtëpinë e Bardhë gjatë presidencës së Barack Obamës.
Çifti banon në Uashington. Ata u takuan në Nju Jork në një takim me një mik të përbashkët rreth katër vjet më parë dhe që atëherë janë bashkë, sipas zyrës së zonjës së parë.
Dasma e fundit në Shtëpinë e Bardhë – ceremoni dhe pritje – ku përfshihej një anëtar i familjes presidenciale ishte në qershor 1971 kur Tricia Nixon u martua me Edëard Cox në Kopshtin e Trëndafilave me 400 të ftuar.
