Reshjet e shiut dhe paralajmërimi i meterologëve për përkeqësimin e motit në 24 oët e ardhshme kanë shtyrë Autoritetin Portual Durrës të marrë masat për sigurinë e mjeteve lundruese dhe pasagjerëve që udhëtojnë në drejtim të Italisë.
APD ka njoftuar të gjithë pasagjerët që kanë rezervuar biletat për të lundruar me traget mbrëmjen e sotme drejt Barit (Itali), se për shkak të kushteve të vështira të motit, nisja nga Porti i Durrësit do të bëhet disa orë me vonesë.
“Kompanitë e lundrimeve do të respektojnë të gjitha detyrimet që lindin nga kjo vonesë”, thuhet në njoftim.
Njoftimi:
Njoftojmë të gjithë pasagjerët që kanë rezervuar biletat për të lundruar me traget mbrëmjen e sotme drejt Barit(Itali) se për shkak të kushteve të vështira të motit, nisja nga Porti i Durrësit do të bëhet me disa orë vonesë. Kompanitë e lundrimeve do të respektojnë të gjitha detyrimet që lindin nga kjo vonesë, prandaj për çdo informacion mund të kontaktoni me to.
Ju falenderojmë për mirëkuptimin dhe sapo të kemi një njoftim për normalizimin e situatës, do e bëjmë të ditur në vijim.
