Një përpjekje e pazakontë për të kontrabanduar kokainë të fshehur në flokët “extension” dhe paruket që femrat zakonisht përdorin është zbuluar nga autoritetet në Kolumbi.
Sipas NYP, dy gra u vunë në pranga në dy aeroporte të ndryshme të vendit Latin, pasi përdorën zgjatimet për të krijuar modele flokësh të hollë dhe të dredhur, ku kishin fshehur lëndën narkotike.
“Ato do të udhëtonin për në Madrid, Spanjë, dhe u ndaluan pasi kaluan sigurinë kur skanimi i trupit tregoi objekte të dyshimta, të fshehura në flokët e tyre”, tha agjenti Kol Carlos Alberto Potes.
Imazhet nga operacioni i policisë kolumbiane tregojnë se 2 kilogramë kokainë ishte e fshehur në tuba të vegjël e të rrumbullakët me ngjyrë të zezë dhe ishte ngjitur në lëkurën e kokës së të dyshuarve poshtë “ekstension”.
