Këngëtari Gjergj Leka ka telefonuar në programin “Aldo Morning Show” dhe ka folur për temën “Robi plaket kur do vetë”. Ai është shprehur se kjo shprehje ekziston për shekujt e kaluar sepse tani njeriun e plakin, hallet, streset dhe gruaja.
Gjithashtu ai shprehet se nuk dëshiron që të jetojë deri 100 vjet sepse atëhere ndoshta nuk ekzistojnë më pampersat.
Aldo: A je ti personi adapt për të bërë pyetjen, “Robi plaket kur do vetë”?
Gjergj Leka: Kjo është një fjalë e urtë që vlen për shekujt më parë. Sot robin e plakin streset, e plakin hallet, por mund ta plakë dhe gruaja, por unë këtë problem nuk e kam. Gjërat duhen marrë edhe më lehtë sesa i marrim ne. Unë mendoj që stresi nuk na lë neve të plakemi kur të duam ne.
Unë mendoj që plakja e mendjes është plakja e njeriut. Ndërsa njerëzit si unë apo si shumë miqtë e mi, moshatarët e mi, i gjejnë vetes punë për të bërë, një punë që ata e pëlqejnë për ta bërë, jo një punë që ja dikton dikush për ta bërë, unë mendoj që do plaket një çikë më vonë.
Aldo: Kjo një çikë e kalon 100-shen besoj?
Gjergj Leka: Jo, jo nuk dua se atëherë nuk do ketë as pampersa, nuk e di se çfarë do ketë.
