Një ngjarje e rëndë ka ndodhur në Itali. Ansa raporton se një 40-vjeçare shqiptare ka ndërruar jetë në banesë, teksa vajza e saj 4-vjeçare duke menduar se nëna ishte në gjumë ka qëndruar pranë saj duke mos dashur ta shqetësojë.
40-vjeçarja dyshohet se ka ndërruar jetë nga një atak në zemër gjatë natës teksa flinte me vajzën e saj në banesën e tyre në Vigevano.
Katër vjeçarja ka parë nënën e saj për orë të tëra të vdekur, deri në momentin që erdhi tezja, e cila ishte shqetësuar pasi e motra nuk i përgjigjej në telefon.
Kur motra mbërriti në shtëpi ajo pa trupin e shtrirë në shtrat dhe menjëherë kuptoi se diçka kishte ndodhur.
Ajo mori foshnjën në krahë dhe më pas njoftoi policinë dhe ambulancën. Ekipet e emergjencës konstatuan se 40-vjeçarja ishte e vdekur.
Karabinierët nga këqyrja paraprake nuk kanë gjetur asnjë gjurmë që sugjeron vdekjen e dhunshme.
