Reshjet e dendura të shiut që janë rikthyer pas disa javëve me temperatura të larta në vend, duket se kanë shkaktuar edhe problematikat e aksidentet e para në disa akse rrugore.
Kështu, raportohet se një automjet është përfshirë në një aksident në rrugën kombëtare Librazhd-Elbasan, pranë vendit të njohur si “Kthesat e Murrashit”.
Mësohet se automjeti ka humbur drejtimin e lëvizjes dhe më pas është përmbysur në rrugë.
Fatmirësisht nuk raportohet për të lënduar në vendngjarje. Si pasojë e këtij aksidenti është paralizuar qarkullimi për pak minuta, por më pas është rikthyer normaliteti.
