Mediat greke kanë zbardhur sot detaje të reja për shtetasin shqiptar, i cili akuzohet se ka përdhunuar një 34-vjeçare greke nën kërcënimin e thikës në një stacion autobusi dhe ka tentuar të bëjë të njëjtën gjë me një 24-vjeçare.
Ngjarja ndodhir në orët e para të së dielës së kaluar në Palaio Faliros , ndërsa sipas policisë ai është larguar nga Greqia të enjten e kaluar dhe po strehohet në Shqipëri.
Sakaq, raportohet se ka qenë ADN-ja që la në makinën e gruas 24-vjeçare që tentoi të përdhunonte ajo çka ka çuar në zbulimin e shqiptarit.
45-vjeçari nuk rezulton të jetë i skeduar, por dyshohet se ka probleme me alkoolin. Sipas Protothema shqiptari jetonte në Athinë me nënën e tij, pasi është i divorcuar dhe baba i dy fëmijëve. Madje bëhet me dije se ai ka qenë i dhunshëm edhe më të ëmën, pasi herë pas herë kishte shpërthime nervash.
Njoftimi i policisë:
Pas një hetimi të plotë nga Nëndrejtoria e Sigurisë së Athinës pranë Drejtorisë së Sigurisë së Atikës, e cila ka marrë përsipër dy raste dhunimesh (tentativa dhe të kryera) ndaj dy femrave vendase, të kryera në orët e para të mëngjesit të datës 10-23-2022 në zonën e Paleou Faliros u identifikuan detajet e autorit të dyshuar të krimeve të mësipërme.
Ndaj 45-vjeçarit të huaj është hapur një dosje për dhunim të kryer, dhunë, kanosje me armë dhe rrëmbim.
