Dy persona kanë humbur jetën këtë të Shtunë në Vlorë dhe Ksamil pasi janë rrëzuar nga pema e ullirit.
Një prej viktimave është pedagogu i universitetit “Eqrem Çabej” në Gjirokastër, Gëzim Rredhi. 62-vjeçari mësohet se kishte shkuar tek një shtëpi verore që kishte dhe ishte ngjitur në pemë për të mbledhur ullinj. Por, ai është rrëzuar dhe kjo ka rezultuar tragjike për të.
“Sot, në lagjen nr.1, Ksamil, dyshohet se duke mbledhur ullinj është rrëzuar aksidentalisht nga pema, shtetasi G. R., 62 vjeç, i cili ka ndërruar jetë. Grupi hetimor po punon për zbardhjen e plotë të rrethanave të ngjarjes”, njoftoi policia.
