Prokurori i krimeve të rënda Besim Hajdarmataj ka bërë një parantezë për ngjarjen. Duke renditur prova dhe fakte për implikimin e ish ministrit të Brendshëm Saimir Tahiri
“Hetime të 2016 nr 134 procedim penal, një grup personash ku përfshihen dhe vëllezrit Habilaj dhe punonjës policie. Aktiviteti në disa fshatra të rrethit Vlorë. Janë kryer hetimet në sekret të plotë pasi nga informacionet dinim që një pjesë e grupit të strukturuar kriminal kishte në përbërje punonjës policie. Kemi mbledhur të dhëna se policia i krijonte mundësinë këtij grupi të mbillte lëndë narkotike.”
“Me metoda speciale të hetimit kemi vërtetuar se në fshatin babicë ishte grumbulluar një sasi e lëndëve narkotike për të shkuar në bregun tjetër, Greqi ose Itali. Ka ende punonjës policie të përfshirë hetimet vazhdojnë.”
“Kemi bërë procedim penal për shtetasin deputet të republikës së Shqipërisë Saimir Tahiri. Bëhej fjalë për mitmarrje shumash të mëdha. Por pasi të dhënat u bënë publike ne ishim të detyruar të vepronim shpejt. Kishim të dhëna se këta persona e krijonin aktivitetin në qetësi të plotë në kemi krijuar dyshime bindje dhe dyshim të arsyeshëm se në këtë aktivitet është i përfshirë shtetasi Saimir Tahiri. Kemi bërë verifikimet në sistemin TIMS në vitin 2013. Ky automjet është ripërdorur pas shitjes nga shtetasi Saimir Tahiri në vitet 2013-2014.”
