Grupi “Homeland Justice”, që ka marrë përsipër autorësinë e dy sulmeve kibernetike ndaj faqeve online të institucioneve, ka publikuar sot (e Hënë) disa të dhëna të tjera.
Krahas skedës ata shkruajnë: “Apo ata të tetëmbëdhjetë, mbi të cilët ra kulla në Siloam dhe i vrau, mendoni se ishin mëkatarë mbi të gjithë njerëzit që banonin në Jeruzalem?
Unë ju them: Jo, por nëse nuk pendoheni, të gjithë do të vdisni po ashtu.”.
Në skedën e shpërndarë në “Telegram”, janë të dhënat personale të Miranda Bendos, bashkëshortes së kreut të SHISH, Helidon Bendo, informacion mbi përbërjen familjare, të dhënat e letërnjoftimeve dhe pasaportave, numrat e celularit, vendbanimi.
Gjithashtu, hakerat kanë publikuar edhe një listë me hyrje-daljet nga territori i vendit, pikat e kalimit, datat kur është kaluar kufiri dhe dokumentet që ka paraqitur te autoritetet doganore.
Kujtojmë se pak ditë më parë, grupi “Homeland Justice”, publikoi në “Telegram” një skedë me të dhëna personale të kreut të SHISH, Helidon Bendo.
