Një foto e realizuar nga miqtë e Lear Kurtit pasi kishin shkuar në vendin ku 32-vjeçari ishte neutralizuar nga policia është publikuar së fundmi.
Emisioni “Review” në Euronews Albania ka siguruar pamjet ku trotuari duket me gjak, ndërsa vetë familjarët kanë marrë avokat dhe po kryejnë procedurat e nevojshme për të hetuar vdekjen e Learit.
Ndryshe nga njoftimit zyrtare që fajësojnë kokainën e gëlltitur nga 32-vjeçari në momentin kur është kapur nga policia, familjarët fajësojnë policinë për dhunë.
Efektivët janë pezulluar deri në mbyllje të hetimeve. Të premten dhe sot u mbajtën protesta për vdekjen e Learit. Organizatorët lajmëruan një grumbullim tjetër qytetarësh edhe ditën e hënë, nën moton “Drejtësi për Learin”.
