Është mbajtur pasdite e stome protesta e dytë nga shoqëria civile për vdekjen e 32-vjeçarit Lear Kurti. Ai ndërroi jetë pasi u shoqërua në komisariat nga policia e Tiranës, ndërsa dyshimet janë se është dhunuar nga uniformat blu.
Me qindra qytetarë në këtë protestë kërkuan zbardhjen e plotë të ngjarjes, vënien para drejtësisë të përgjegjësve dhe dorëheqjen e ministrit të Brendshëm, Bledian Çuçi.
Nën sloganin “drejtësi për Learin”, të rinjtë ndezën qirinj në kujtim të 32-vjeçarit, ndërsa hodhën edhe miell mbi efektivët e policisë në këtë protestë. Fillimisht, ata u mblodhën pranë ambienteve të Ministrisë së Brendshme, ndërsa më pas u zhvendosën përballë Kryeministrisë.
Protesta paqësore zgjati rreth 1 orë, ndërsa nga qytetarët u lajmërua se do të protestohet edhe ditën e nesërme. Orari i nisjes do të njoftohet në rrjetet sociale.
