Financuesi Xhorxh Soros ka transferuar rreth 18 miliardë dollarë fondacionit të tij për Shoqërinë e Hapur (OSF), i shtrirë në shumë vende të botës.
Kjo shifër e çon në 32 miliardë dollarë shumën e përgjithshme, duke e bërë një nga fondacionet më të mëdhenj në botë.
Sipas “Guardian”, donacioni i bërë për fondacionet e Shoqërisë së Hapur, Soros, e bën atë fondacionin e tretë më të madh në botë, pas fondacionit të Bill dhe Melinda Gates dhe “Wellcome Trust”.
Zyrtarët nga fondacioni i thanë “Wall Street Journal” dhe “New York Times” se investitori i lindur në Hungari ka rritur ritmin e donacioneve nga të ardhurat e fondit të tij të suksesshëm.
Donacionet e kombinuara të fundit prej 18 miliardë dollarësh përfaqësojnë pjesën më të madhe të pasurisë së vlerësuar prej 23 miliardë dollarë.
Shoqëria e Hapur punon globalisht për të “ndërtuar demokraci të gjalla dhe tolerante” dhe ka dhënë gati 14 miliardë dollarë që kur u themelua në vitin 1979.
Soros, i cili arriti fitime të mëdha gjatë bastit britanik kur u rrëzua nga mekanizmi evropian i kursit të këmbimit në vitin 1992, është një përkrahës vokal i shoqërive liberale, ndërsa ishte një nga kontribuuesit më të mëdhenj për kandidatet demokrate për Presidente të SHBA-ve, Hillary Clinton.
Fondacionet e Soros kanë hasur probleme të mëdha në Hungari, vendlindja e filantropit.
Kryeministri hungarez, Viktor Orbán, i cili ka përfituar gjithashtu një bursë nga Fondacioni, e ka konsideruar atë si rrezik i sigurisë kombëtare dhe “armik publik”, duke e akuzuar atë për mbështetje ndaj emigracionit masiv të rrezikshëm sipas tij të myslimanëve në Evropë.
