Vrasja e 27-vjeçarit shqiptar Lumturi Zeqja në Leytonstone të Londres ka lënë plagë edhe në Shqipëri.
Pas ngushëllimeve të shumta në rrjet për të riun që jetonte prej 13 vitesh në Britani, një dedikim ka ardhur për Zeqjan nga fushat e futbollit në vend.
Ishte sulmuesi i Partizanit, Xhuljano Skuka që golin e tij kundër Teutës në “Niko Dovana” ia dedikoi pikërisht të riut që mbeti viktimë e një sherri, ku u përfshi për të mbrojtur një nga miqtë e tij të afërt.
View this post on Instagram
Skuka realizoi në sfidën kundër Teutës dhe dedikimi ishte i gjithë për dajën e tij të ndjerë.
Mes lotësh Skuka tregoi foton e tij që e mbante veshur nën fanellën e ekipit. Ndërkohë pas ndeshjes, Skuka i dedikoi një postim në rrjetet sociale ku shkruante: “Djem si ty nuk vijnë më. Pusho i qetë vëllai im. Do na mungosh Lum djali”.
