Një emigrant shqiptar në Greqi ka tentuar të arratiset në momentin kur po dërgohej në prokurori. Ai ka arritur të heqë prangat dhe më pas është larguar me shpejtësi. Megjithatë, ai është kapur sërish pas disa minutash dhe është vënë në pranga.
Prokuroria e Heraklionit e ka proceduar shqiptarin për veprat penale posedim, fshehje dhe trafik droge, si dhe tentativë arratisjeje.
Shqiptari akuzohet për trafik droge në zonën e Tympaki dhe Moira, pasi efektivët e policisë së departamentit Phaistos zbuluan 107 gramë kokainë në një pemë ulliri dhe 2.6 gramë të tjera në shtëpinë e tij. Sasia totale prej 109.6 gramë do të ndahej në rreth 170 doza kokainë.
