Njihuni me 100 viruset që po shkatërrojnë telefonat tuaj |

Një virus që fshehurazi u merr para përdoruesve te telefonave celularë për shërbime të rreme është shkarkuar nga miliona përdorues.

“ExpensiveWall” rezulton i fshehur në të paktën 100 aplikacione në Google Play.

Lapsi.al po publikon më poshtë listën e plotë të aplikacioneve të infektuar.

Kërkuesit e “Check Point”, një kopani lider për sigurinë e internetit, që e zbuluan mashtrimin, thonë se ExpensiveWalll është shkarkuar nga 1 milion deri në 4.2 milion herë.

Virusi regjistron përdoruesit e telefonave tek shërbimet premium (me pagesë) pa dijeninë e tyre dhe dërgon mesazhe SMS mashtruese, duke i ngarkuar shpenzimet në llogaritë e tyre.

Lexo edhe:

Horoskopi ditor, 30 Nëntor 2024

“Mashtruesi” kërcënon gazetarin: Ik, largohu se do e marr personale me ty!

Në disa raste, SMS –të dërgohen pa dijeninë e përdoruesit.

Në raste të tjera, virusi shfaqet në ekran me një buton të quajtur “Vazhdo” dhe sapo përdoruesi e klikon, mesazhi dërgohet në adresën e caktuar nga virusi.

Një numër personash që instaluan aplikacione të infektuara me Expensive Walll lajmëruan përdoruesit e tjerë të telefonave duke lënë komente negative në Google Play.

Aplikacionet e infektuara me Expensive Walll u raportuan në Google më 7 gusht dhe u hoqën nga Google Play.

Megjithatë, Check Point thotë se aplikacionet më të infektuara u vunë sërish në dispozicion për t’u shkarkuar në Google Play “brenda disa ditësh”. U hoqën sërish katër ditë më vonë.

Aplikacionet e infektuara nga ExpensiveWalll kërkojnë një numër lejesh nga përdoruesit, duke përfshirë qasjen në internet dhe tek SMS-të.

Lejet që kërkohen janë mjaft të zakonshme për aplikacionet që shkarkohen për herë të parë.

Check Point thotë se virusi mund të ketë shkaktuar shumë dëme.

“Teksa ExpensiveWalll është projektuar vetëm për të gjeneruar fitim nga përdoruesit, një virus i ngjashëm mund të modifikohet lehtësisht për të përdorur të njëjtën infrastrukturë me qëllim vjedhjen e fotografive, regjistrimin e audios dhe madje vjedhjen e të dhënave të ndjeshme dhe dërgimin e të dhënave në një server të caktuar”, sqaron Check Point.

“Meqënëse virusi është i aftë të veprojë në fshehtësi, i gjithë ky aktivitet i paligjshëm kryhet pa dijeninë e viktimës, duke e kthyer atë në mjetin e fundit përgjues”.

Check Point thotë se ExpensiveWalll është një variant i ri i një virusi të gjetur në Google Play më parë këtë vit nga McAfee dhe thotë se “i gjithë familja e viruseve” është shkarkuar mes 5.9 milionë dhe 21.1 milion herë.

Nëse keni shkarkuar një aplikacion të infektuar nga ExpensiveWalll, duhet ta fshini menjëherë.

Kjo është lista e aplikacioneve të infektuara: