Këngëtari dhe kantautori i njohur Bojken Lako është paraqitur sot në shërbimin e provës.
Gjykata e Tiranës e ka dënuar me 3 vjet burg për ndërtim të paligjshëm Lako. Me gjykim të shkurtuar dënimi u konvertua në liri me kusht.
Në vendimin e gjykatës thuhet se Boiken Lako ka kryer punime pa leje në një magazinë të marrë me qira prej tij në zonën e njohur si ‘Nisheraku’, të cilën do ta kthente në studio muzikore.
Sipas gjykatës, Lako kishte marrë leje për kryerjen e disa punimeve hidraulike, elektrike, suvatime të mureve dhe tavaneve, shtrim me pllaka dhe restaurime të dritareve dhe dyerve të objektit, por ka ndërhyrë në godinë në hapjen e katër dritareve të reja.
