Sulmuesi i Kombëtares, Sokol Cikalleshi, ka gjetur më në fund rrugën e rrjetës, në kampionatin e Arabisë Saudite.
Kavajasi realizoi nga pika e bardhë e penalltisë golin e barazimit në minutën 90+2’ me fanellën e skuadrës së Al Khalej, në duelin ndaj Al-Fateh, i cili rezultoi dramatik.
Miqtë arritën të fitonin me rezultatin 1-2, falë golit të realizuar në minutën 90+11’. Gjyqtari kishte akorduar plot 10 minuta shtesë, teksa në frymën e fundit erdhi dhe goli i fitores për Al-Fateh.
Skuadra e Cikalleshit po kalon një moment të vështirë në kampionat, duke u renditur në vendin e 14-të me 4 pikë në 7 ndeshje. Vetëm 3 gola të shënuar dhe 11 të pësuar.
https://twitter.com/i/status/1579916598974246912
