Një tjetër ngjarje desh u kthye në tragjedi në plazhet shqiptare, ku një burrë dhe djali i tij 5-vjeçar për pak sa nuk u mbytën në zonën e Borshit. Ata kishin hyrë në det për tu larë në orët e pasdites, por dallgët dhe era e fortë mund të kishin qënë fatale për jetën e tyre.
Boldnews.al disponon foto nga vendi i ngjarjes, ku fatmirësisht shpëtuan jetën babë e birë. Në këtë zonë të plazhit është e pranishme edhe një kullë vrojtimit por për ironi kulla është në mëshirë të fatit, pasi nuk ka asnjë njeri.
Ndërkohë për ngjarjen në fjalë, ndihma e parë iu dha nga banorë të zonës nëpërmjet një varke. Nga ana tjetër, policia vonoi mbi 20 minuta për të mbërritur në vendngjarje.
Boldnews.al
