Debate i nisur dje në profilin e Olti Currit, mes tij dhe një polici, ka përfunduar me shkarkimin e këtij të fundit ditën e sotme. Curri publikoi një status ku fliste për mesazhet erotike të bëra publike, ku një portal pretendon se janë të aktores së “Apartamentit 2XL”, Eliona Pitarka.
Pasi Curri shkruan se më këtë çështje duhet të merret krimi kibernetik, në inboksin e Curri ka ardhur një mesazh nga një polic, i cili i shkruan se vetëm kur u preket privatësia njerëzve të njohur reagojnë dhe aspak kur ndodh e njëjta gjë me ata që nuk janë fytyra publike.
Ka mjaftuar kaq që Olti Curri ta bëjë publik mesazhin e tij duke nisur një lum replikash mes tyre në komente. Komente të cilat kanë edhe kanë tejkaluar masën mes tyre duke përfunduar në etiketime si ‘trashaluq’ nga polici, gjë e cila e ka bërë të reagojë ashpër Currin duke e ironizuar me fjalët “ky është fjalori i Policisë shqiptare”.
Pas kësaj Olti ka shkruar sërish duke thënë se ai është nipi i Drejtorit të Përgjithshëm të Policisë, Haki Çakos.
“Thjesht sipas mesazheve qe erdhen inbox mesova se ai eshte nipi (familjar) i Drejtorit te Pergjithshem te Policise Z.Haki Çako…Kjo i sqaron te gjitha. Emiljano ti je me i miri, je polici shembullor, polici qe duam, une jam obez ti je yll, rrofte meritokracia…
P.S. Sqaroje Hakiun qe obez e kishe per mua…” – shkruan Curri.
Vetë Olti konfirmon për se ka pasur një komunikim me Haki Çakon, ku ky i fundit është shprehur se fjalori i përdorur nga oficeri i policë kalon etikën e komunikimit të një punonjësi policie me mediat dhe se ndaj tij është marrë masa e pezullimit.
