Një 14-vjeçare është rrëmbyer mbrëmjen e së premtes, 7 tetor, në Nikea të Greqisë.
Familja ka denoncuar pengmarrjen mbrëmjen e të premtes, teksa sipas rrëfimit të tyre, e mitura që quhej Markela, ishte duke ecur me motrën e saj Esmeralda, kur dy makina i prenë rrugën dhe morën peng 14-vjeçaren.
Sipas tyre, makinat zbritën pesë burra, dhe pasi neutralizuan Esmeraldën, morën Markelën, e futën me dhunë në makinë dhe u larguan.
Esmeralda e tmerruar shkoi menjëherë në shtëpi, ku i tregoi familjes për rrëmbimin e motrës. Sot bëhen dy ditë nga rrëmbimi i adoleshentes dhe nuk ka ende asnjë gjurmë se ku mund të ndodhet.
Siç thotë e ëma, kjo nuk është hera e parë që adoleshentja rrëmbehet. Sipas saj autori ia ka rrëmbyer të bijën 20 ditë më parë, teksa Markela shkonte në shkollë.
Ajo thotë se bëhet fjalë për një burrë të martuar që është baba i tre fëmijëve, i cili ka kapur Markelën, pa dëshirën e saj.
“Ai e futi në makinë me dhunë, dhe e çoi diku, më pas e la në një shesh në një fshat. Vajza ime ishte tmerruar. Edhe këtë herë Markela është rrëmbyer nga i njëjti person”, thotë për Protothema nëna e Markelës, Maria.
