Endrit Dokle, Fatjon Murati dhe Gentjan Reçi janë liruar nga Policia e Shtetit. Mbrëmjen e djeshme, Dokle u shoqërua në Drejtorinë e Policisë së Tiranës, pasi kishte dyshime se po qarkullonte në mjet me persona që kanë precedentë penale.
Pas verifikimit në mjet, u zbulua se ai po shoqërohej me Fatjon Muratin. Emri i këtij të fundit ishte në listën e 6 personave ishin kërkuar të merreshin në pyetje nga Prokuroria e Kurbinit, për masakrën e Fushë Krujës.
Bashkë me Doklen dhe Muratin, ishte edhe Gentjan Reçi. Ky person, është i listuar nga Prokuroria e Kurbinit për t’u marrë në pyetje lidhur me masakrën e Fushë Krujës, ku u vranë 3 persona, mes tyre edhe Brilant Martinaj.
Mjeti me të cilin po lëviznin, Dokle, Reçi dhe Murati ishte e blinduar. Të tre personat u shoqëruan në ambientet e Drejtorisë së Policisë në Tiranë, aty ku u morën në pyetje, deri në orët e para të mëngjesit.
Për Muratin është prerë fletë-arresti, pasi ishte shpallur në kërkim për armëmbajtje pa leje. Murati ishte shpallur në kërkim që prej finalizimit të operacionit “Ruger”, të finalizuar më 12 korrik të këtij viti.
