Deputeti i Partisë së Lirisë, Petrit Vasili për të folur për rritjen e çmimin e lartë të karburanteve në vend.
Vasili tha se opozita ka kërkuar para 7 muajve zgjidhjen e kësaj krize ndërsa shtoi se Bordi i Transparencës duhet të “shkrihet” pasi është një pazar mes qeverisë dhe oligarkëve. Ai tha se me rritjen e çmimeve, do bie konsumi dhe pritet që të mbyllen biznese dhe shumë qytetarë të mbeten pa punë.
“Opozita ka kërkuar që në krye të herës, që 7 muaj më parë zgjidhjen përkatëse të kësaj krize, heqjen e taksës, shkrirjen e Bordit të Transparencës se është një pazar mes qeverisë dhe oligarkëvë, ata kontrollojnë depozitat dhe gjithçka, se palët që fitojnë janë qeveria dhe oligarkët.
Kush paguan faturën? Qytetari i thjeshte, ne kemi qenë të qartë, qëndrimi ka qenë pa asnjë ekuivok. Kanë që në 9 mars që kam depozituar iniciativën time, 7 muaj as nuk merret në shqyrtim, ndërkohë ka dhjetëra ligje që s’kanë lidhje me realitetin.
Për çështjen e naftës kemi qenë aq këmbëngulës, sot situata është kritike. Vjedhja është e jashtëzakonshme dhe cdo qytetar duhet të hap sytë, ta dijë se është i vjedhur. Janë rritur çmimet e shportës, do bie konsumi, do falimentojnë biznese të vogla e të mesme, shumë njerëz pa punë. Të fituar janë qeveria dhe oligarkët”, tha Vasili për Fax News.
