Princi Harry dhe Meghan Markle duket se mezi e kanë pritur që të përfundojë ceremonia zyrtare e funeralit për Mbretëreshën e ndjerë Elizabeta II.
Sipas mediave britanike çifti i Sussex janë fotografuar duke pirë dhe kërcyer në shoqërinë e njëri-tjetrit këtë fundjavë, në një koncert të Jack Johnson.
Kjo ishte dalja e tyre e parë që nga kthimi në SHBA pas funeralit të Mbretëreshës Elizabeth. Ata kanë parë nga afër këngëtarin e njohur për hitin e tij të vitit 2006 “Better Together”, teksa ai ka performuar në Santa Barbara Bowl, në Kaliforni.
Dyshja ishin në një seksion privat të koncertit mbrëmjen e së mërkurës, 16 ditë pasi morën pjesë në funeralin e gjyshes së Harryt.
Sipas TMZ, Harry dhe Meghan vallëzuan gjatë koncertit, me Dukën e Sussex-it që i vendosi krahun rreth belit dukeshës.
Sussexes u fotografuan edhe me artistë të tjerë, përfshirë këngëtaren Paula Fuga dhe Ron Artis II.
