Enti Rregullator i Energjisë Elektrike ka vendosur këtë të Premte që të anulojë rritjen e çmimit të energjisë elektrike për muajin tetor.
Bëhet fjalë për fashën e propozuar më herët nga Qeveria prej 800 kilovat, gjë të cilën qeveria e anuloi gjithashtu.
I pranishëm në mbledhje, kreu i ERE-s, Petrit Ahmeti tha se çmimi për energjinë elektrike nuk do të ndryshojë. Ahmeti tha se leximi i sahateve do të bëhet në fund të çdo muaji.
“Çmimi i KESH për OSHEE nuk do të ndryshojë. Çmimi i energjisë do vijojë të jetë i pandryshuar. ERE ka marrë vendimin mbi legjislacionin. Vendimi i mëparshëm nuk ka efekt, leximi do të bëhet në fund të muajit”, tha kreu i bordit Petrit Ahmeti.
Ndërkohë, ERE propozoi vendosjen e fashës 800 kwh nga 1 nëntori deri më 31 dhjetor 2022.
Ky vendim vjen pas miratimit në seancën plenare të ditës së djeshme(6 shtator) kërkesa e 15 deputetëve për thirrjen e drejtuesit të ERE-s.
“Jo është me vend, duhet thirrur Konferenca e Kryetarëve për të caktuar datën e debatit, kush është dakord?Të gjithë jemi dakord, nuk ka kundër! Kërkesa pranohet’, ka thënë Nikolla.
Enti Rregullator i Energjisë (ERE) konfirmoi mbetjen në fuqi të fashës mujore 800 kwh për konsumimin e energjisë elektrike për abonentët familjarë më 23 shtator 2022.
Ndërkohë kryeministri Edi Rama më 30 shtator tha se qeveria tërhiqet nga fasha e lajmëruar më herët.
