Një lajm i mirë për Kombëtaren shqiptare vjen nga Turqia. Endri Çekiçi është pranë rikthimit. Mesfushori i Koniasporit u dëmtua përpara ndeshjeve të përfaqësueses dhe nuk ishte i gatshëm për dy ndeshjet e fundit.
Ai realizoi një eurogol në ndeshjen ndaj Gallatasarajit dhe pak minuta më vonë, la fushën si pasojë e një tërheqjeje muskulare. Sipas mediave turke, 25-vjeçari është shumë pranë rikthimit, madje që në përballjen e kësaj fundjave ndaj Antaliasporit.
Gjithsesi, Çekiçi nuk mund të rrezikohet që nga minuta e parë, pasi gjendja e tij fizike nuk është ajo e duhura, pasi ka qenë jashtë fushave për më shume se 15 ditë.
