Këngëtarja e muzikës country, Loretta Lynn, ka vdekur në moshën 90 vjeçare. Lajmin për vdekjen e bëri të ditur familja e saj në Twitter.
“Nëna jonë e çmuar, Loretta Lynn, ndërroi jetë paqësisht këtë mëngjes, më 4 tetor, në gjumë, në fermën e saj të dashur në Hurricane Mills”, thuhet në deklaratë.
Në botën e mbizotëruar nga meshkujt e muzikës country në vitet 1960 dhe 1970, Lynn ndërtoi një reputacion si një feministe, e cila ishte mjaft e guximshme dhe mjaft e talentuar për të shkruar këngët e saj.
Në “Rated X” ajo këndoi për pabarazitë mes grave dhe burrave, kënga e saj “The Pill” iu kushtua të drejtës së grave që iu dha për të vendosur për lindjet e fëmijëve. Ajo, gjithashtu, këngë iu kushtoi edhe burrave që ishin abuzues ndaj grave.
Hitet e saj më të mëdha ishin “Fist City”, “Don’t Come Home a’Drinkin”, “You Ain’t Woman Enough” dhe “Coal Miner’s Daughter”.
