Një ngjarje e rëndë ka ndodhur në një klub nate në Ankara, të Turqisë. Siç raportojnë mediat vendase, këngëtari i njohur Onur Şener është vrarë pas një sherri me tre burra gjatë performancës së tij.
Ngjarja ndodhi në ambientet e argëtimit në rrugën “Mutlukent Mahallesi 1946”, kur një inspektori i një Ministrie, teksa argëtohej me kolegët dhe mikeshat e tij, i kërkoi Onur të këndonte një këngë, të cilën ai nuk e dinte.
Këngëtari i grupit muzikor “The Boss” i tha İlker K.: “Mos fut hundët në punën time”, dhe mes tyre filloi një debati u përshkallëzua në përplasje fizike.
Onur mbeti kështu i prerë në qafë nga copëzat e mprehta të një gote birre prej xhami që përdorën personat që e sulmuan.
Ndërkohë, nëna e këngëtarit teksa ka përcjellë për në banesën e fundit të birin ka thënë për mediat se: “Ma vranë për një këngë”.
“Ata nuk janë njerëz. Ata më vranë djalin tim për një këngë. Kaq pak vlerë ka jeta njerëzore? Ndodhi për një këngë. Dua që këta njerëz të ndëshkohen në mënyrën më të rëndë. Më morën djalin”, ka thënë mes lotëve nëna e të ndjerit.
