Një ngjarje e rëndë me protagonist një burrë shqiptar raportohet se ka ndodhur në qytetin e Korintit, në Greqi.
Sipas mediave helene, policia është vënë në kërkim të një 33-vjeçari shqiptar që ka rrëmbyer dhe më pas përdhunuar e torturuar nëpërmjet akteve të rënda të dhunës ish-bashkëshorten e tij greke, 28-vjeçe,
Shqiptari ka qenë duke e ruajtur nga makina 28-vjeçaren para shtëpisë së saj në rrugën Almyri Corinthia dhe sapo e pa të dilte jashtë e ka futur me forcë në makinë.
Pas kësaj nën presion të vazhdueshëm dhe goditjeve me grushte në kokë dhe trup, shqiptari ka lëvizur në drejtim të zonës së Isthmit, ku ka ndaluar makinën në një rrugë të shkretë.
Më pas ai e ka detyruar ish-bashkëshorten të zhvishej me kërcënime për jetën dhe për pak e ka djegur të gjallë, duke i vënë flakën flokëve me çakmakun e tij.
E zhveshur dhe e pambrojtur, 28-vjeçarja greke është marrë më pas nga ish-burri deri në shtëpinë e prindërve të tij në Korint, ku e ka përdhunuar dhe më pas e ka përzënë me forcë.
28-vjeçarja e tmerruar është paraqitur me urgjencë në rajonin e Policisë së Korinthit duke denoncuar ish-bashkëshortin e saj.
