Ish nënkryetari i Partisë Demokratike, Astrit Patozi gjatë fjalës së tij në takimin e Lëvizjes për Ringritjen e Partisë Demokratike, i dërgoi një mesazh të drejtëpërdrejtë kandidatit përballë Lulzim Bashës në këtë garë farsë, Eduard Selamit.
Patozi i kërkoi Selamit, që pasi të bënte edhe këtë qokë të fundit, ndaj Bashës dhe në të keqe të demokratëve të largohet andej nga ka ardhur sepse këtu ai nuk i duhet askujt.
“Ti Eduard bëji selam Bashës, jeni çifti i palumtur. Kryeje qokën e fundit. Çoje deri në fund atë që ke nisur dhe kthehu andej nga ke ardhur, se këtu s’i duhesh as dreqit. Injorojeni 22 korrikun, këto nuk janë zgjedhjet tonë. Kjo lëvizje nuk lindi nga hiçi dhe nuk do të shkojë si e tillë, asgjë nuk do të jetë më parë pas 22 korrikut. Duke shëruar PD ne synojmë të krijojmë një model emancipues për të gjthë partitë shqiptare”, tha Patozi.
