Pamje të rënda kanë ardhur nga Nascar në etapën e Virginias, ku Andrew Grady sulmoi rivalin e tij Davey Callihan, me këtë të fundit që ndodhej brenda në makinë, pas një aksidenti.
Grady nuk u përmbajt dhe shkoi drejt makinës që ndodhej Kalihan duke e sulmuar me grushte dhe gjithashtu duke i thyer xhamin e makinës, duke e bërë atë përgjegjës për aksidentin që e la jashtë gare.
U desh ndërhyrja e ekipit të tij për ta larguar Grady-n nga makina e Callihan, i cili nuk dukej se kishte ndërmend të ndalonte.
