Furgoni i djegur gjatë natës së kaluar në Korçë rezulton të jetë në pronësi të firmës ‘Morava 93’ dhe përdorej për transport udhëtarësh. Vetë Renato Torollari, pronari i mjetit është shprehur se nuk ka konflikte me askënd. Ai thotë se mjetin mund t’ia kenë djegur për shkak të konkurrencës.
“Unë nuk kam konflikte me askënd, merremi me transport udhëtarësh. Dyshoj se mjetin mund të ma kenë djegur për shkak të konkurencës,”- thotë ai.
“Më datë 26.09.2022, rreth orës 03:00, në lagjen nr. 17, Korçë, ka rënë zjarr në mjetin tip furgon në pronësi të shtetasit R. T., banues në Korçë, i cili ishte i parkuar në afërsi të banesës,” njoftoi policia.
Policia ka sekuestruar pamjet filmike të kamerave të sigurisë.
