Borussia Dortmund nuk ka ndërmend të heqë dorë nga Jude Bellingham. Futbollist ka një kontratë me klubin deri në 2025-ën, por gjigantët e Premier League dhe Real Madrid duan ta marrin, sipas The Athletic.
Megjithatë, verdhezinjtë po vlerësojnë mundësinë që t’i ofrojnë lojtarit rinovimin e kontratës duke përfshirë në këtë të fundit një klauzolë prej 150 milionë eurosh.
Bellingham ka refuzuar transferimin te Manchester United dhe ka zgjedhur të transferohet në Gjermani, por Djajtë e Kuq nuk kanë ndërmend të heqin dorë nga ylli i ri.
Gjithmonë sipas The Athletic, skuadra e Erik ten Hag janë në një garë me katër klube të tjerë për të siguruar shërbimet e 19-vjeçarit.
Gjigantët e Premier League, Chelsea, Manchester City dhe Liverpool janë gjithashtu të interesuar për ta marrë lojtarin. Edhe Real Madrid është shumë i interesuar.
