Bandat shqiptare po përdorin vdekjen e Mbretëreshës Elizabeth ll, për të kaluar emigrant drejt Anglisë.
Sipas raportimeve, bandat po përdorin mediat sociale si TikTok-u për të bërë marrëveshje me çmim 1,600 £ për person për çdo emigrant duke i nxitur ata ta bëjnë këtë përpara funeralit shtetëror të hënën e ardhshme.
Reklamat në platformën e mediave sociale kineze kanë imazhe të Mbretëreshës me një pallto dhe kapelë ngjyrë vjollce, raporton Express.Co.Uk. Tarifa prej 1600 £ është gjysma e çmimit që është paguar më parë. Çmimet varionin nga 3000 deri në 5000 £ dy muaj më parë.
Kjo ofertë e veçantë duket se u drejtohet shqiptarëve që përbëjnë 60 për qind të ardhjeve gjatë verës. Bandat kanë ofruar gjithashtu marrëveshje “fëmijë pa pagesë” në një përpjekje për të inkurajuar familjet që të bëjnë kalimin, shkruan Express.Co.Uk.
Sipas zyrtarëve të Forcave Kufitare, gjatë garës së fundit të lidershipit konservator, trafikantët paralajmëruan se emigrantët duhej të kalonin përpara se të formohej një Qeveri e re me Liz Truss si kryeministre, e cila do të mbante një qëndrim më të ashpër ndaj migracionit.
Reklama e TikTok që promovon kalimet u ngarkua pikërisht kur arkivoli i Mbretëreshës mbërriti në Edinburg të dielën. Duke shfaqur një imazh të Mbretëreshës gjatë një shëtitjeje, ai inkurajoi emigrantët të përfitonin nga oferta speciale në mënyrë që të merrnin pjesë në funeralin e parë shtetëror që nga viti 1965.
