Bodrumi i një hoteli në qytetin jugor indian të Secunderabad është përfshirë nga flakët.
Policia lokale bën me dije se flakët i kanë marrë jetën 8 personave, ndërkaq raportojnë se 7 të tjerë janë lënduar.
Mësohet se zjarri shpërtheu në një ekspozitë me motoçikleta elektrike. Zjarri ka rënë mbrëmë vonë në bodrumin e një hoteli, ndërsa thuhet se është vënë nën kontroll.
“Ka pasur motoçikleta elektrike brenda kur shpërtheu zjarri. Nuk e dimë nëse është shkaktuar nga mbingarkesa, apo është shkaktuar nga diçka tjetër. Hetimi është në vazhdim”, tha komisionerja e policisë lokale Chandana Depti .
