Një mësuese nga Cërriku e larguar prej tri vitesh e renditur e para në portalin “Mësues për Shqipërinë” në Belsh, ka fituar të drejtën. Por këtë të drejtë e fitoi vetëm pasi e bëri publik gjatë një takimi me Sali Berishën problemin e saj.
Ishte e para në të gjitha konkurset, por nuk i jepej e drejta dhe ishte e papunë.
Kishte trokitur në shumë dyer.
Por rasti i saj tashmë i bërë publikë në tryezat e Berishës, u përdor nga Rama dhe Kushi. Këta të fundit, pasi mësuan dhe panë se Neriada nga Cërriku ishte e para në të gjitha portalet dhe qëndronte në shtëpi pa punë, e punësojnë.
Për këtë veprim të Ramës dhe Kushit ka reaguar deputetja Albana Vokshi. Në një postim në rrjetin social Facebook, Vokshi shprehet se Rama po e përdo për propagandë rastin e Neriadës, e cila me të drejtë ka fituar vendin e punës të mohuar prej tri vitesh.
Sipas Vokshit, Rama dhe Kushi duhet t’i kërkojnë ndjesë Neriadës për padrejtësinë që i kanë bërë asaj dhe dy fëmijëve të saj.
Reagimi
Në një postim në FB, Vokshi shkruan:
Në fillim e thotë ai, lideri, Edi Rama, që po jep si “lëmoshë” atë cka Nereidës prej 3 vjetësh i takon, sepse ka dalë e para në portal.
Më pas, Ministrja Evis Kushi njofton që Nereida do të punësohet sepse ka dalë e para në Belsh, e dyta në Cërrik dhe e pesta në Elbasan në lëndën gjuhë letërsi.
Nereida sot po merr atë cka i takon me meritë, një të drejtë që i takon me ligj!!
– I takon nga ana njerëzore, si nënë kryefamiljare me dy fëmijë!
– I takon sepse ju bë një padrejtësi!
– I takon sepse e meriton profesionalisht!
– I takon sepse ka dalë e para në portalet e qeverisë!
I ka takuar prej tre vjetësh e për tre vite ja mohuat!!
A i rikuperoni dot sot pasojat e shkeljes së të drejtave të saj këto 3 vite???
Sot #Rama dhe #Kushi duhet t’i kishin kërkuar ndjesë Nereidës dhe dy fëmijëve të saj, e të mos e shfrytëzonin rastin e saj politikisht për propagandë!!
