Deputeti demokrat Sali Berisha ka reaguar pas deklaratave dhe vizitës së kreut të bashkisë Erion Veliaj tek 3 policet bashkiake që janë lënduar në protestë nga dhuna e protestuesve të PD. Berisha merr shkas nga denoncimi i një qytetari që i ka dërguar edhe 2 foto të policeve bashkiake.
“Fotografi dixhital denoncon: Inskenimin e ulët të Erion Velisë dhe manipulimin e tij në spital me shëndetin e policeve bashkiake! Fotot flasin vet!”, thotë Berisha, duke publikuar edhe mesazhin e qytetarit. “Zoti Berisha shihni si gënjen Erjon Veliaj për shëndetin e policisë bashkiake. Shihni dy fotot në momente të ndryshme, një para se të vinte Erjoni e një pas”.
