Partia e Lirisë ka përgënjeshtruar një deklaratë të bërë ditën e djeshme nga kryebashkiaku i Shijakut Elton Arbana, i cili tha se mbetjet e qytetit depozitohen falas në Sharrë.
Gjatë një deklarate për mediat ditën e sotme, Vasili theksoi se Arbana ka gënjyer në deklaratën e tij dhe se Bashkia që ai drejton ka paguar kompaninë e inceneratorit të Tiranës për mbetjet. Deputeti kërkoi hetimin e Arbanës.
“Thirrja publike për këta mashtrues që shpërdorojnë taksat e qytetarëve i bëjmë thirrje drejtësisë që kryesisht të nisë hetimet për këtë mashtrim publik e të jetë ky mësim për këdo kryebashkiak apo nëpunës rilindas që do guxojë të gënjejë. Nuk do u ndahemi këmba- këmbës ditë për ditë për të nxjerrë sa mashtrues janë”, tha Vasili.
“Kurajoja prej mashtruesish profesionistë që nuk u dridhet syri kur mashtrojnë provohet sot në mënyrën më spektakolare. Kryetar bashkie që thotë 4 herë që këtë gjë e bëjmë falas, dokumentet provojnë që jo s’e kanë bërë falas, por kanë lënë ka marrë zjarri dynjanë atje kanë paguar kokërr më kokërr kompaninë e famshme 29 euro tonin me vulë dhe me firma. Këta dhe kur vënë vulën dhe firmat e tyre pacipësisht gënjejnë me idenë që nuk do demaskohen”, theksoi Vasili.
Koordinatorja Kombëtare e Luftës kundër Korrupsionit në PL, Brisida Shehaj publikoi një dokument ku tregohet se Bashkia e Shijakut ka rënë dakord për ta paguajë 29 euro për çdo ton mbetje të depozituar në kompaninë koncesionare të depozitimit të mbetjeve në Tiranë.
Shehaj u shpreh se marrëveshja është lidhur në datë 23 gusht dhe është firmosur nga vetë kryebashkiaku Elton Arbana.
“Ajo deklaratë ka një 15 ditësh të vërtetë. Ky është dokumenti i parë që bëjmë publik. BV ia drejton bashkisë së Shijakut dhe thotë referuar shtyrjes së afatit dhe në vijim të kërkesa, kompania i thotë keni të drejtë të depozitoni për 15 ditë falas pa paguar asnjë cent. Kjo është shkresa me firmën e zonjës Arjola Kodra. Në datë 23 gusht të vitit 2021 lidhet marrëveshja që është lidhur me bashkinë Shijak për depozitimin e mbetjeve. Por çfarë thotë marrëveshja. Palët bien dakord që do të paguhen tarifa 29 euro për ton pas TVSH. Në faqen tjetër që është firmosur nga kryetari i Bashkisë së Shijakut dhe Arjola Kodra për kompaninë. Kjo kontratë ka dhe një aneks që është firmosur nga Elton Arbana. Të tre ata që kanë firmosur kanë marrë angazhimet për detyrimet e qarkut Durrës. Në dokumentin tjetër të datës 1 tetor të vitit 2021 Inceneratorit i Tiranës i drejtohet Bashkisë së Shijakut në lidhje me pagesën për depozitimin në landfillin e Tiranës. Tani po i vëmë në dijeni se ndoshta Elton Arbana për një Shijak më të pastër nuk e di që ka paguar para. Inceneratorit në datën 4 Tetor 2021 i drejton shkresë bashkisë së Shijakut. Dokumenti është rakordimi që është firmosur nga zoti Elton Arbana që për vetëm muajin shtator, detyrimi që ka bashkua është 14. 325. 07 euro. Më pas do të shihni dhe faturën tatimore. Kalojmë te fatura. Blerësi është zonja Pranvera Alushi, drejtoresha ekonomike. 1 740 26 lekë të reja. Shijaku paguan para dhe askush nuk e bën këtë shërbim falas. Ky është fakti i radhës si rilindasit mashtrojnë ditët për diell”, u shpreh Shehaj.
