Ukraina ka bërë pretendimin e saj më të guximshëm deri më tani për sukses në fushën e betejës në kundërofensivën e saj njëjavore kundër forcave ruse në jug.
Pas ditësh heshtjeje për ofensivën e tyre të re, zyrtarët ukrainas postuan një imazh në internet të tre ushtarëve që ngrinin një flamur mbi një qytet në provincën Kherson, një rajon jugor i pushtuar nga Rusia që në ditët e para të luftës, shkruan Al Jazeera.
Imazhi i flamurit duke u fiksuar në një shtyllë në një çati, me sa duket në Vysokopyllya në veri të Kherson, u publikua pasi Presidenti Zelensky tha se forcat ukrainase kishin kapur dy qytete në jug dhe një në lindje. Në një fjalim gjatë natës, ai nuk identifikoi vendndodhjet.
