Çifti i famshëm Mauro Icardi dhe Wanda Nara akuzohen për një krim të rëndë, siç është ai i trafikimit të njerëzve.
Siç raporton portali argjentinas “infobae.com”, Icardi, Wanda dhe e ëma e modeles, Nora Kolosimo, janë akuzuar se janë marrë me trafikim të njerëzve, duke u denoncuar nga ish-punonjësja e shtëpisë së tyre.
Avokati i ankueses, Alehandro Sipoja, tregoi se gruaja jetonte me çiftin në Francë, më pas e kishin çuar në Itali. Po kështu ajo do të thirret nga Prokuroria për një seancë dëgjimore.
Për sa i përket nënës së Wandës, portali nuk e specifikoi arsyen përse ajo ishte pjesë e gjithë kësaj.
Në tekstin që ish-punonjësja e shtëpisë përdori për të denoncuar çiftin, lexoheshin fjalë fyese dhe diskriminuese të përdorur nga modelja argjentinase.
