Deputeti i LSI-së për Dibrën, Përparim Spahiu i kundërpërgjigjet aleatëve socialistë të cilët sëfundmi kanë shprehur qëndrimin se do të hyjnë në zgjedhje edhe vetëm. Në një aktivitet të LSI-së në rrethi e Matit, Spahiu ironizoi duke thënë se zgjedhjet e 18 qershorit nuk mund të jepen me koncesion.
“Nuk kemi ndërmend të japim zgjedhjet me koncesion. Sepse zgjedhjet janë një pronë e patjetërsueshme e shqiptarëve dhe vota nuk ka çmim!” – deklaroi Spahiu.
Deputeti i LSI-së foli edhe për Rrugën e Arbërit, i cili tha se qeveria e premtoi por në vend të saj solli hashashin.
“Nuk e ndërtuan Rrugën e Arbërit dhe futën si kompensim hashashin në trojet e Arbërit! Ky është një dështim spektakolar! LSI do ta rikthejë Fondin e Zhvillimit, në një fond të vërtetë zhvillimi të të gjithëve!” paralajmëroi Spahiu. “Sepse ne duam zhvillim dhe jo hashash!” goditi ashpër ai.
