Shkëlzen Berisha pranon të shkojë për herë të tretë në komisionin e Edi Ramës për CEZ.
Por Taulant Balla nuk ka pranuar t’i dorëzojë vendimin e komisionit ku pretendohet se është rrëzuar kërkesa e Shkëlzen Berishës për përjashtimin e të dënuarit Taulant Balla nga komisioni pasi është në konflikt interesi.
Më pas Balla ka ndërprerë seancën për të vazhduar vetëm me retorikën dhe shpifjet në mungesë të dëshmitarit.
Taulant Balla: Dëshmitari të thotë të vërtetën. Sekretari i komisionit lexon formulën e betimit. (Ulsi Manja lexon formulën e betimit)
Shkëlzen Berisha: I dënuar kryetar, i nderuar sekretar, të nderuar anëtarë të komisioni, kam paraqitur një kërkesë për largimin e kryetarit. Jam njohur nga mediat për refuzimin e kërkesës sime por nuk më është vënë në dispozicion. Ky vendim që keni marrë në kundërshtim të hapur me kodin e procedurës penale.
Taulant Balla: E drejtoj unë mbledhjen (i mbyll mikrofonin). Këtë mbledhje e drejtoj unë. Ule zërin!
Shkëlzen Berisha: Të mbaroj unë.
Shkëlzen Berisha: Je i dënuar. Je shpifës. Të gjitha pyetjeve të tua nuk i përgjigjem.
Taulant Balla: Edhe ky dëshmitar është një person, i cili na rezulton nga provat si i përfshirë…
Shkëlzen Berisha: Shpifës..
Taulant Balla: Dakord..Unë mund të jem ai që jam, ti mund të jesh ai që je.
Shkëlzen Berisha: Ti je shpifës
Taulant Balla: Ke ardhur për të bërë teatër.
Shkëlzen Berisha: Je shpifës.
Taulant Balla: Mbyllja mikrofonin. Jam këtu për të sqaruar publikun se lidhur me kërkesa të ngjashme.
Shkëlzen Berisha: Do ikësh dhe ti si Prenga dhe si Ndoka. Do përfundosh si shpifës. Si palaço i radhës.
Taulant Balla: Ta dini, ti dhe babai ka ardhur koha qe në këtë vend të bëhet drejtësi. Dil përjashta, (I ngre zërin Berishës). Zotëria të dalë përjashta. Garda të ndërhyjë.
Shkëlzen Berisha: Pse nuk je i dënuar ti?
Taulant Balla: Dil përjashta të thash. Grada e Republikës të bëjë shoqërimin. Ndaj tij do i kërkoj komisionit që të merret masë sipas ligjit.
