Trashëgimtari i gjigandit korean të elektronikës Samsung, Lee Jae yong pritet të paditet zyrtarisht për një seri akuzash, përfshirë këtu dhënie ryshfeti dhe përvetësim, raporton BBC.
Mësohet se tasti i tij lidhet me skandalin që çoi në përfshirjen e presidentes së vendit, Park Geun hye. Zyra e prokurorit njoftoi se, akuzat ndaj bosit de fakto të Samsung bien edhe mbi 4 drejtorë të tjerë të kompanisë.
3 prej tyre dhanë dorëheqjen ditën e martë, pas njoftimit të autoriteteve. Nga ana e saj, Samsung njoftoi se po shpërbënte zyrën e saj strategjike, një njësi që merrej me koordinimin e aktiviteteve të konglomeratit të madh.
Ai akuzohet se ka dhënë donacione për organizata jofitimprurëse të kontrolluara nga një mikeshë e presidentes, në këmbim të favoreve qeveritare.
Lee Jae yoong u arrestua më herët gjatë muajit teksa prokurorët përgatisnin padinë ndaj tij. Ata e akuzojnë se ka dhuruar donacione me vlerë 36 milionë dollarë organizatave, për të siguruar në këmbim mbështetje qeveritare për ristrukturimin e kompanisë.
