Zjarri ka shkatërruar një prej bujtinave mesditën e sotme në Theth. Flakët janë përhapur nga njëra prej dhomave, më pas në të gjithë bujtinën duke shkrumbuar të gjithë godinën.
Dëmi është kolosal, ndërsa forcat zjarrfikëse janë nisur nga Shkodra për ti ardhur në ndihmë por largësia prej qytetit është të paktën 2 orë.
Në të gjithë Thethin, asnjë prej banoreve nuk ka tapi për bujtinat dhe shtëpitë të cilat i trashëgojnë prej vitesh prandaj edhe asnjëra prej tyre nuk është e siguruar.
