Një 38-vjeçar është arrestuar në Tepelenë, pasi akuzohet se ka goditur punonjësit e policisë, të cilët ndaluan mjetin e tij për kontroll.
38-vjeçari që rezultoi se ishte i dehur në timon, u ndalua nga patrulla e policisë në vendin e quajtur “Ura e Dragotit” dhe gjatë intervistimit, ka ofenduar dhe ka goditur punonjësit e Policisë, bënë me dije burime zyrtare.
“Specialistët e Seksionit për Hetimin e Krimeve në Komisariatin e Policisë Tepelenë arrestuan në flagrancë shtetasin M. M., 38 vjeç, banues në Fier, pasi në vendin e quajtur “Ura e Dragotit”, Tepelenë, u kap nga shërbimet e Policisë duke drejtuar automjetin, në gjendje të dehur. 38-vjeçari gjatë intervistimit, ka ofenduar dhe ka goditur për shkak të detyrës, punonjësit e Policisë”, njoftoi policia.
