Deputeti i Partisë Demokratike, Oerd Bylykbashi tha në studion e Ora News se trafiku i drogës nga porti i Durrësit bëhet me grafik. Ai deklaron se kohët e fundit në Itali janë kapur rreth 20 ton drogë dhe këtë sasi nuk e ka trafikuar as Eskobari në Shtetet e Bashkuara të Amerikës.
“Nëse ke një qeveri si e Edi Ramës që premton ulje taksash dhe e di që nuk është çështje votash pasi ato i merr me para dhe kriminelë, sigurisht që nuk shqetësohesh për rritjen e taksave. Është e pamundur që brenda një jave të kapen 20 ton drogë. Eskobari nuk ka guxuar kurrë të importojë 20 ton drogë brenda javës në SHBA. Kjo ndodh me Edi Ramën, Saimir Tahirajn, me Habilajt. Nuk besoj se është rinovuar policia italiane dhe është më e aftë sot dhe nuk i kapte disa vitesh rresht jo kaq tonë por as një ton. Policia e lejon të kalojë me grafik në portin e Durrësit. Kanabisit po mbillet jo më vetëm në male por edhe në magazina. Nuk mund të kthehet në një shtet bandë, që për të krijuar lajm u është kërkuar policëve të arrestojnë njerëz vetëm e vetëm të prodhojnë lajm për të sfumuar protestën e opozitës” – tha Bylykbashi.
